Nesta casa pasou Rosalía os derradeiros anos da súa vida e nela foi onde morreu o 15 de xullo de 1885. Restaurouse en 1971 e converteuse na Casa Museo en 1972, situando nela a sede da fundación que leva o seu nome. Ao lado da casa edificouse o Centro de Estudos Rosalianos.

A través das súas dúas plantas pódese realizar un percorrido polos acontecementos que marcaron a vida e a obra de Rosalía. Á vez, é posible contemplar como era unha casa rural da época entre labrega e fidalga.